معرفي شهرستان نظرآباد آزربايجان به زبان ترکي -آزه ربايجان`ين نظرآباد بؤلگه سييله قيسا بير تانيشليق
http://128askari.parsiblog.com/-922724.htm
----------------------------------------------
معرفي شهرستان نظرآباد به زبان ترکي نظرآباد بولگه سيله بير مختصر تانيشليق
اشاره: نوشته زير چکيده ترکي کتاب «دشتي به وسعت تاريخ» تاليف حسين عسکري است که قرار بود در بخش پاياني آن کتاب به چاپ برسد اما سليقه ناشر مانع از انتشار آن شد. ضمن درج اين برگردان از مترجم کوشاي آن آقاي ابراهيم رضازاده (دانشجوي کارشناسي ارشد ادبيات عرب) صميمانه سپاسگزاريم.
----------------------------------------------
من بوردا قديم بشر تمدنلرينين بيريسينين نمايندهسي عنوانيله علاقه واريمديرکي دونيانين انقديم خام کرپيچلرينين بيريني که ايراندا ]نظرآباد بولگهسينده ازبکينين باستاني محوطهسي[ کشف اولونوبدير، کوفي عنان جنابلارينا تقديم ائدهم.
- سيّد محمد خاتمينين سوزلريندهنکي تمدنلر دانيشيقينين جهاني گنگرهسينده نيويورکدا قورولان مراسيمينين افتتاحيه سينده (1379).
«نظرآباد»، تهران اوستانينين ان غربي بولگهسي ديرکي اونون مساحتي 576 کيلومتر مربعدير. بوبولگه 1381 نجي ايلده ايرانين ايسلام جمهوريتينين دولتينين مصوبهسي ايله ساوجبلاغ بولگهسيندهن آيريلارکن نظرآباد شهرينين مرکزيت ايله تأسيس اولدو. بو اسکي تاريخه مالک اولان تازا قورولموش بولگهنين بيرپارا تانينميش خصوصيتلري بئله دير:
- ايکي بؤلوکه، 4 قصبهيه و 94 کنده مالکديرکي بو تعداددان 61 پاراسي مسکوني و 33 پاراسيدا سکنهدن خاليدير.
- بو بؤلگهنين بير ايلليک ياغيشينين مقداري 04/238 ميلي متردير.
- بو بولگهده بير ايلليکده دمانين معدلي 2/14 سانتي گراددير.
- اونون سو منابعلري يئرآلتي و يئراوستي سولاريندان تأمين اولونور.
- بير ايلين ياغيشينين ميزاني و اونون البرزون سلسله داغلارينان قونشولوقي مختلف اوتلار و گوو- گوورهنتيلرينين ايجاد اولماقينا باعث اولوبدير.
- 1381 نجي ايلين سايينين اساسينه گوره اونون جمعيتي 124532 نفر ديرکي 27332 خانوار قالبيندهدير.
- آموزش و پرورش مجموعه سيني 30664 نفر حدودوندا اؤيرنجي و 1658 نفر پرسنل، 186 مدرسه تشکيل وئريرلر.
- بوبؤلگهنين عالي آموزش مرکزلريني بير واحيد آزاد ايسلامي دانشگاهي و سيمان صنعتينين علمي- کاربردي آموزش مرکزيسي تشکيل وئريرلر.
- تهران- قزوين اتوباني و تهران- تبريز دميريولو بوبولگهنين شماليندا قرار تاپيپلار.
- آزادي آديندا تحقيقاتي، صنعتي و آموزشي فرودگاهي شهرستانين غربينده يئرلهشيبديرکي خلبانليق اؤيرتمه سيندهن علاوه کيچيک طيّارهلر اورادا طراحليق و دوزهلينير.
- نظرآباد چؤلي اکينچيليک ايچون ان مناسب بير مکاندير و اونون عمده محصول لاري بوغدا و آرپا، بيرپارا صيفي جات و باغدان عمله گلن محصوللاري ميوهدير. 1383 نجي ايلده نظرآبادبولگهسي 53 مين تُن بوغدا توليديلن تهران اوستانيندا ايکينجي مقامي قازاندي و همچنين توت فرنگينين انبؤيوک مرکزي نظرآباد بولگه سينده قرار تاپيپدير.
- نظرآباد بولگهسينده 135 ائولي عشاير حيات کئچيرديرلر. بو کؤچن گروهلار 30726 باش مال- داوار و 220 نفر دولريلن ات، يوون و سود توليد ائدرکن بولگهنين دامپرورليق صنعتي نين رونقينده قابل توجه سهمه مالکديرلر. تهران اوستانينين غربينده انمدرن دامپرورليق واحيدي بو بولگهده يئرلهشيبدير.
- بورادا بؤيوک صنعتي واحيدلردن سيمان و نساجي کارخانالاريني آد آپارا بيلليک و ايکي صنعت شهرکي بوبؤلگهده قرار تاپيپلار. اينديه قدهر 75 واحيد سپهر شهرکينده بهرهبردارليقا يئتيشيبدير و نظرآباد شهرکيده بهرهبردارليقا آمادهلهشير.
- بو صنعتي بولگه دهن مستقيم و غير مستقيم صورتينده يئملي، صنعتي و الده توخونموش فرش محصوللاري اورتا آسيادا اولان مملکتلرين بعضيسينه و خليج فارسين حاشيه سينده اولان بلادلارا، اوروپانين شرقينه و کانادايا صادر اولونور.
- داش دوزو وسولفات دوسود ايکي معدنديرلر کي بو بولگهده وجودلاري واردير.
- بورانين اکثريتي مسلمان و اونايکي ايماملي شيعهديلر. بو اکثريتين کنارينده «اهل حق» فيرقه سي وهائبله «ائرمني لر» کيچيک گروهلاردا مسالمت صورتينده ياشاييلار.
- نظرآباد بولگهسينده ساکن اولانلارين اکثريتي تورک ديلينده تانيشيرلار و اونا گلن مهاجرلرين چوخلوسي زنجان و آذربايجان اوستانلارينداندير.
- ايکي واحيد فرهنگ ائوي ( مدنيت اوجاقي)، اوچ واحيد عمومي کتابخانا، بير واحيد انتشارات دفتري وهائبله مطبوعات و تلويزيون نمايندهليگينين دفتري بو بولگهده فرهنگ مرکزلريني تشکيل وئريرلر.
- اينديه قدهر 50 اثر فرهنگ و تاريخ ساحه سينده بوبؤلگه ده تانينيبديرکي اونلاردان يئتيسي ايرانين ميللي اثرلرينين فهرستينده ثبت اولونوبدور. نظرآبادين انقديمکي اثري مسيحين ميلاديندان يئتيمين ايل قانشارا متعلقدير.
- ازبکي محوطهسي دوقوزمين ايل قدمتيله بوبؤلگهده يئرلهشيبديرکي 10 تپيه شامل اولور. بومحوطهدهن باستان شناسلار توسط ايله بشر الينده دوزهلن انکهنه خيشتلار کشف اولونوبديرکي اونلارين بير نمونهسيني سيّدمحمد خاتمي جنابلاري (وقتين جمهور رئيسي) ميللتلر آراسيندا تمدنلر دانيشيقينين مراسمينده کوفي عنان جنابلارينا اتحاف ائدي. هم چنين بومحوطهدهن مادلارين سلسلهسينه مربوط اولان قالا (2700 ايل قانشار) و عيلام تمدونونون ايلک لوحهسي کشف اولوندو کي باستان شناسلار بو پالچيقلي لوحهيه استناد ائدهرکن عقيده وارلاريکي خوزستان اوستانيندا اولان شوش منطقهسينين باستاني اهاليسي ايله تجارت سويهسينده ارتباطلاري واريميشدير.
- ايرانين ميللي نهضتينين باشوزيري دکتر محمّد مصدقين قبري وائوي احمد آباد کنديندهديرکي حاضير حالدا ايرانين ميللي اثر لريندهن دير.
- شيخ هادي نجمآبادي ( ناصرالدين شاه قاجار حکومتينين دورهسينده آيدين فيکيرلي روحاني)، آيت الله جعفر نظرآبادي (قاجاريه دورهسينده قزوينين علميه مدرسهسينين اوستادلاريندان)، دکتر محمود نجمآبادي (ايران و ايسلام طبنينين احيا ائدني اخير قرنيده)، مصطفي نجمي (نقاش و اوستاد کمال الملکين شاگردلريندهن)، آغابيگم نجمآبادي (مشروطيت انقلابينين آيدين فيکيرلي قادينلاريندان) و آيت الله قارپوزآبادي (قاجاريه دورهسينين بؤيوک عاليمي کي اوندوقوز مکتوبلي اثر ايسلام علومينين زمينهسينده تأليف ائديبدير) نظرآباد بولگهسينين مشهور اولان شخصيت لريندهن حساب اولونورلار.
- 1383 نجي ايلين آخرينه قدهر 21 نفر نظرآبادين ورزشکارلاري ميللتلر آراسيندا قورولان ياريش لاردا قهرمانليق مقاملاريني کسب ائديبلرکي اونلارين چوخلو ورزشلري رزمي زمينه سيندهدير.
واژگان کلیدی: شهرستان نظرآباد، تاريخ، فرهنگ، جغرافيا
حسين عسکري ::: شنبه 29/1/1388::: ساعت 11:15 عصر
0 Comments:
Post a Comment
<< Home