حکیمیه ده بؤیوک شنلیک مراسیمی

،ستتارخان مدنیت اوجاغینین تشببوثی ایله حکیمیه ده بؤیوک شنلیک مراسیمی کئچیریلدی

سه شنبه گونو تير آيي­نين 27 سي آخشام اوستو ساعات 6دان 9 دك ستتارخان مدنييت اوجاغي طرفيندن حكيمه شهركينين كولتور ائوينين تالاريندا، حضرت فاطمه­´نين دوغوم گونو موناسيبتيله آنالارا حصر اولونان بير طنطنه­لي شنليك تؤره­ني كئچيريلدي. بو تؤره­نده سعيد موغانلي، ووقار نعمتله بيرليكده آپاراجيليق ائديرديلر.

بو تؤره­نده نئچه موسيقي قوروپو، او جومله­دن كؤپرو قروپو، قاراداغ قروپو، چؤگور گروپو( ساوا شاه سئون)، يانار سؤنمه ز چيخيش ائديب و نئچه شاعير او جومله­دن حوسئين چوبان، آلما موغانلي، هئيوا موغانلي، بختيار فرخ ( ساوالي شاعير)... اؤز شئعرلرين ميللته تقديم ائله ديلر.

بو شئعر آخشاميندا قاتيلانلار سايي 500 نفردن آرتيقي­دي و چوخلارينا يئر اولمادان آياق اوسته برنامه­لري دينله­ديلر. بو شئعر آخشاميندا نئچه سئري ميللت دويغولانيب و گؤز ياشلاري اوزلردن آخدي.

هجر خانيم سولطاني، شهرييارين، "خان ننه م شئعريني" گؤزه ل شكيلده ايفا ائله دي و دينله­يه­نلرين هامي سي دويغولارين دالغالانديريدي. ايكي بالاجا باجي "آنيتا شيردل و آزيتا شيردل" اذربايجان´ين گنجليك مارشين ديكلمه ائتديكده بوتون سالون آيا قالخيب، سس سسه وئرديلر. سئودا وطن سئور، آنايا حصر اولونان شئعرله، بؤيوك آناميز آذربايجان´ا تقديم ائله­دي. هئيوا موغانلي دا 3 شئعريله يئني بير فضا مجليسه وئردي.

آپاريجي آنا گونونو دونيا آنالارينا اؤزه­لليكله آذربايجان آنالارينا تبريك دئديكده، آذربايجان شهيدلرينين يادا سالديقدا، شهيد توحيد آذريون و شهید جليل عابدي´­دن آد چكه ره ك آذربايجان شهيدلرينين آنالارينا بو گونو قوتلو اولسون دئيه­ره ك، بير آغير ياش گؤزلري ايسلاتدي. ساوا عاشيقلاري ميللت طرفيندن اوره­كدن آلقيشلانديلار.

اتابك مورادي