کرج شهرینده تورکجه تئاتر - «آپاردی سئللر سارانی»:

کرج شهرینده تورکجه تئاتر - «آپاردی سئللر سارا´نى-سیامک سلام‌زاده»:

+ یئری: کرج، شهید چمران بولواری، ارشاد سینما-تئاتری(شهید چمران پارکی)
+ چاغی: 28/3/1383دن 5/4/83یه قده ر - ساعات 21-19
+ بيلیتلرین ساتیلدیغی یئر: ارشاد سینما-تئاترینین گیشه‌سی

+ سارا´نین داستانینی موطلق ائشیتمیش و اوخوموشسونوز. اوخوماساز دا یقین فیلمینی سینئمادا و یا ایران تلویزيیونوندا گؤرموشسونوز. کرج شهرینده سارانین تورکجه تئاترینی بهانه ائده‌ره ک «آپاردی سئللر سارا´نی» شئعریندن الیمده اولان بندلرینی وئرمک ایسته‌دیم.

+ بو شئعری، 19ونجو یوز ایلین ان بؤیوک شاعيرلریندن ساییلان قاراداغلی «نباتی» سؤیله‌میش و سونرالار «سارا» داستانی و شئعری خالق کوتله‌سی طرفیندن منیمسه‌نمیش و گئتدیکجه خالق ماهنیسی شکلینی آلمیشدیر. کرج شهرینده صحنه‌ده اولان «سارا» تورکجه تئاترینین یئری و چاغی آشاغیدا وئریلمیشدیر.

آپاردی سئللر سارا´نی

گئدین دئیین خان چوبانا
گلمه‌سین بو ایل موغانا
گلسه باتار ناحق قانا
آپاردی سئللر سارا´نی
بیر آلا گؤزلو بالانی

آرپا چایی درین اولماز
آخار سویو سرین اولماز
سارا کیمی گلین اولماز
آپاردی سئللر سارا´نی
بیر آلا گؤزلو بالانی

آرپا چایی آشدی٬ داشدی
سئل سارانی قاپدی٬ قاچدی
هر گؤره‌نین گؤزو یاشدی
آپاردی سئللر سارا´نی
بیر آلا گؤزلو بالانی

قالی گتیر اوتاق دؤشه
سارا یئری قالدی بوشا
چوبان الین چیخدی بوشا
آپاردی سئللر سارا´نی
بیر آلا گؤزلو بالانی