قیراقلاردا اوزاقلانمیش یاخینلاریمیز!
قیراقلاردا اوزاقلانمیش یاخینلاریمیز!
فرزاد صمدلی
بو رپورتاژ ایلک دفعه ، یاپراق نشریه سینده چاپ اولوبدور.
ئهران، ایسلامشهر، اکبر آباد
تئهراندا میلیونلار تورک یاشاییرسا، ایسلامشهرده ساده جه یوزمینلرآذربایجانلی یاشاییر. بو سویداشلاریمیز، یوخسول اولسالار، موختلیف چتینلیکلرله اوزبه اوز قالسالار،آغیر یازیقلیقلارلا قارشی دورسالار، آنجاق اوزلرین کسینلیک ایله تورک و آذربایجانلی سانیرلار. بو عزیز دیلداشلاریمیزین صمیمی سوزلرینه شاهید؛ اونلارین مزار داشلاری اوستونده یازیلمیش تورکجه شعرلردیر. یوخسول قارداشلاریمیزین گوزلری یولدادیر. اونلاری موطلق اونوتمامالیییق!
تئهران، ایسلامشهر، اکبر آباد 
اکبرآباد اوشاقلارینین فوتبول تیمی واردیر! سول شکیلده بیر لور و بیر کورد فوتبولچودان سونرا، هامیسی تورک اوغوللاریدیر!
یاشاسین آذربایجان- ایسلامشهر اوشاق فوتبولچولاری! 
یاشیل قمیشلر، یانمیش زمیلر
بئکار جاوانلار اویوشدورجو ماده لری قمیشلر آراسیندا گیزلین و سیقارلاری گوز قاباقیندا قوللانیرلار.
بورا؛ اینسانلار باتلاقیدیر! 
زیبیل چایی گوروبسونوز مو؟! 
اینسان آبیرین ساخلاماقدان اوترو قویوددا یاشایار!
اکبر آباد شهرجیکینده چوخلو ائولر جاوازسیز تیکیلیبدیر! ائشیتدیگیمزه گوره هر گئجه بیر نچه ائو گوبلک کیمی یئردن باش قالدیریر! بو ائولر، ان یونگول دپرملره دوزمه یه جکلر! بئله دام داش، ائودیر می یا مزار؟! اکبر آبادلی لارین رسمی اورقانلار طرفیندن قاپیلارین دویه ن یوخدور! سوروشدوم؛ نئجه بئله ائولرده یاشاماق اولور؟! جاواب گلدی:
اینسان آبیرین ساخلاماقدان اوترو قویوددا یاشایار! 
بو خالقین یادداشی تورکجه شعرلردن دولودور. خالق؛ شهریار،موعجوز،صابیر،نباتی،محزون و واحیدین شعرلرین دیلده ازبردیر. بایاتیلار و ماهنیلار سینه لرده یووا سالیبدیر. جاماعت آراسیندا محبت و صمیمیت جوشغوندور. اینانین!.. هر کیمسه صداقت ایله اونلارا ساری بیر آددیم آتیرسا ،اون آددیم جاواب آلاجاقدیر! ایسته ر سینیز اکبرآبادا گئدین،ایمتاحان ائدین! اکبر اباد چوخ یوخسول اولسادا، اوز خالقی ایله بیر لیکده سس سیز و البته چوخ متین یاشاییر. اوشاقلار بئش داش اویناییرلار، چورک خانالار چورک پیشیریللر، بازاردا شیرین آلیش - وئریش گورونور،
چرچیلرده گولر اوزله، اربه لرین سورورلر! 
فارسلاشمیش تورکلر،رحمته گئتمیش عزیزلرینه آغلایان زامان، یالنیز تورکجه اوخشاما دئییه بیلیرلر!
اکبر آباد،ایمامزاده حسن(ع)، غسالخانا ، قبریستان 
ایمامزادانین قوجا غسالی دئییردی: بورا یولون آخیریدی، بورادا فارسلاشمیش تورکلرده عزیزلرینه آغلایاندا یالنیز تورکجه اوخشاما دئییه بیلیرلر! بو بالاجا قبریستاندا اونلار مزار داشی واردیر کی اوستلرینده تورکجه شعرلر یازیلیبدیر!
باغدان باغا گلمیشم
گول درماغا گلمیشم
ایتیرمیشم آنامی
آختارماغا گلمیشم! 
نه باخیرسان منیم کیمین
منده باخیردیم سنین کیمین!
ایللر اولار من اولموشم
سنده اولرسن منیم کیمین ! 
بو رپورتاژ ایلک دفعه ، یاپراق نشریه سینده چاپ اولوبدور.
0 Comments:
Post a Comment
<< Home