کرج-محمد آباددا ساتيرا شاعيرى «صمد مرادی»نى آغيرلاما مراسيمى
کرج´ین محمد آباد شهرجیکینده چاغداش ساتیرا شاعیریمیز «صمد مرادی»بگین اوچونجو کیتابینین یاییلماسینا بیر جشن مراسيمی گئچیریلدی.
بو يازى توفاندى٬ مش غضنفر وئبلاگيندان آلينيبديرּ
کیتاب جشنی
جومعه گونو 30/2/84 کرج´ین محممد آباد شهرجیکینده چاغداش ساتیرا شاعیریمیز «صمد مورادی»بهیین اوچونجو کیتابینین یاییلماسینا بیر جشن مراسيمی کئچیریلدی. بو جشنده کرج´ین موختلیف شهرجیکلری، تئهران و قوم شهرلریندن شاعیرلر، عاشیقلار و ادبيیات ماراقچیلاری حوضور تاپمیشدیلار. بو 5 ساعاتلیق مراسیمده آقالار امیر میکائیلی و مهندس علیائی (یاشیل) جنابلاری آپاریجیلیق ائدیب و شاعیرلر شئعر اوخویوب، عاشیقلار قوپوز چالدیلار. بو مراسيمده دوکتور گونئیلی، اوستاد ناظر شرفخانهای و سید حیدر بیات جنابلاری چیخیش ائتدیلر.
دوکتور گونئیلی دده قورقوت داستانلارینا ايشاره ائدهرک دئدی: آتالاریمیز هر اوغولو بویا باشا چاتدیقدا سیناییب و باشاریلارینا گؤره اونا بیر یئنی آد باغیشلاردیلار؛ بیز ده شاعیر صمد مورادینین دورومونا، شخصیيتینه، شئعرینی سینایاندان سونرا بو تؤرهنده حوضور تاپمیشیق. سونرا دوکتور گونئیلی مملکتین نشر دورومدان گيلایه ائدیب و شاعیرلرین و یازارلارین کیتابلارینین ساتیلماماسی و موناسیب شکلیده یاییلماماسیندان اينتيقاد ائتدی.
اوستاد ناظر شرفخانهای بو جومله ایله سؤزلرینى باشلادی کی بیر زامان «کیتاب یاندیرما» جشنی توتاردیلار آمما بو گون کیتاب یاییلما جشنی توتولور کی بو چوخ سئویندیریجیدیر. شرفخانهای شاعیر صمد مورادینی حسساس، عدالت آرایان، و ظولم ایله ساواشان بیر شاعیر ساناراق اونون اوچونجو کیتابینین یاییلماسینى تبریک دئدی.
سید حیدر بیات اؤز چیخیشیندا تورکلرین موختلیف هونری ساحهلرده اوستون یارادیجیلیغینا ايشاره ائدهرک آذربایجان و تورک دونیاسینین طنز خاراکتئرلرینه ايشاره ائدیب دئدی: ملانصرالدین کیمی بیر گئرچک طنز خاراکتئرین تورک اولماغی و آذربایجان ناغیللاریندا کئچه ل خاراکتری و میرزا علیاکبر صابر و شبسترلی معجز کیمی شاعیرلرین یازیب یاراتدیغی طنز شئعرلر آذربایجان طنزینين باشقا اؤلکهلردهن چئشیدلی٬ عئین حالدا اوستون، نئچه یؤنلو و ال چاتماز ائدیر. بیات٬ دیوان لغات الترک´ه اشاره ائدیب و دئدی: تورکلر مین ایل بوندان ایلین ان یاخشی جوکون سئچیب و اونو «ایل جوکو» آدلاردیرارمیشلارِ
بیات، صمدین ساتیرا شاعیرلریمیزین ایکینجی نسلینده بیلیب و اوچونجو نسلین بو ساحهده جیددی چالیشماماسیندان اينتيقاد ائتدی.
بو مراسمده «نباتی»، «شهریار»، «گونئی مدنیت اوجاغی»، «انجمن آذربایجانیان کرج»، «پینار»، «مرد آباد» و «آل یاسین» درنه کلرینین شاعیرلرینین حوضورلاری وار ایدی. بو شاعیرلردن اوستاد درویش بهروان، حسن شایسته، مجازی، منظوری خامنه، عظیم، درداوغولو، نوراللهی، حجت الاسلام سید بشیر حسینی، رحمان مهرزاد، تانیش، یاشار گونئیلی، حشمتی، شاهمرادی، عباسی، گوهری، بیگدلی و ... آد آپارماق اولار. و عاشیقلاردان ایسه عاشیق شهباز، عاشیق احد ملکشاهی، عاشیق محمدعلی عزیزی، عاشیق اکبر قربانی، عاشیق صالحی و سنتوچو قوربان حاجیلو چیخیش ائتدیلر.
«طوفاندی مش غضنفر» صمد مورادینین اوچونجو کیتابیدیر کی شاعیرین طنز، ايجمتيماعی و سربست شئعرلرینى ائحتيوا ائدیر. صمد بو کیتابدا سربست فورمادا بؤیوک آددیملار گؤتوروب و ايجمتيعاعی ـ اينتيقادی شئعرلری قاباقکی اثرلریندن داها اوستوندور. صمد معدود شاعیرلردندیر کی میللی شئعر ایله ساتیرا شئعر اونون شئعرینده بیر بیرینه قاتیلیبلار.
0 Comments:
Post a Comment
<< Home