تهران´ين باتي بؤلگه لري

تهران´ين باتي بؤلگه لري

داها گوجلو اولماق اوچون اورگانيزه اولمالييق

اولوسال وارليغيمزا دوشونن مينلرجه وطن داشيميز يالنيز اولاراق اؤلكه نين هر طرفينده اؤز ميللي دوشونجه لري يؤنونده قوتسال ميللي حركتيميز ده آكتيو اولمادان توپلوم دا تؤرديلميش تورك دوشمانچيليغي نين پيسكولوژيك باسقيسي آلتيندا سولقونلوق خسته ليگي تهليكه سي ايله قارشي – قارشياديرلار اؤرنك اولاراق تهران نين باتي بؤلگه لرينده تهران ساوا (جاده ساوه ) يولونون اطرافيندا 57 نجي اينقيلاب دان سونرا آذربايجانين شهرلر و كندلريندن گؤچن تورك لر طرفيندن قورولان شهر لرده ايندي ميليونلارلا آذربايجان توركو آغير آسيمسلاسيون تضييقي آلتيندا ميللي كيمليك لريني كئتديكجه ايتيرمك له , فارس شوونيست لرين ان ياخين هدف تاختاسينا چئوريلميشلر، بو شهرلرده ميليونلارلا آذربايجانلي نين ياشاماقدا اولماسينا رغما هئچ آذربايجان شوعورونا ماليك اولان اورگانيزاسيون فعالتي گؤزه چارپمير داها دوغروسو بو گون تهران نين گونئي ، باتي و ساوا يولو اطرافيندا كي شهرلرده اسلامشهر ، نسيم شهر ، شهرگلستان ، شهريار ، و.... اونلارلا شهرده آذربايجان نين ميللي حركتينه فعاليت اورتامي پوتانسيلي اولماسينا رغما اولوسال حركتيميزين بو شهرلر و بؤلگه لر ده يئري بوش گؤرونمكده دير . حال بو كي تهران دا كئچيريلن چئشيتلي تؤرنلرده ( ستارخان ، صفرخان و باشقا طنطنه لي) مراسيم لرده ایشتیراک ائدن میللی شوعورا مالیک سویداشلاریمیز آدی چكيلن يئرلرده گئنیش فعالیت اورتامینین اولماسینیندان خبر وئرمکده دیر, بو شهرلرده فیکیر داشلاریمیزین بير چاتي آلتينا توپلانيب آکتیو اولمالاري گلجك اوچون چوخ – چوخ اؤنملي اولا بيلر ، فارس شوونيسمينين مركزيني ساران بو بؤلگه لرده بير درين آذربايجانچيليق دويغوسو ياراتماغين حياتي اهميتي چوخ آچيق گؤرونمكده دير . ايندي اگر بو شهرلرده اويانيش پروسه سيني اويقولويا بيلمه سك گلجك ده شوونيست لر بو بؤلگه لر ده ياشايان يوردداشلاريميزدان ميللي حركتيميزين باشاريلاريني و قازنجيني بالتالاماغا ايستيفاده ائده جك لر.

ميللي حركتيميزين حقانيتينه درين اينانجلا ميللي حركتي كوتله ايچينه تانيتماق وبو گئنيش بؤلگه ياشايان يورد داشلاريميزدا ميللي دويغونو آذربايجانيميزين باشقا شهرلري كيمي اويانديرماق آماجي وميللي حركتيميزين بير پارچاسي اولاراق اؤز ميللي قورتولوشوموز يؤنونده چاليشاراق فعاليت آپارماق اوچون بير درنك ياراتماغا قرار وئرديك .

بو درنگين چاتي سي آلتينا تك فعاليت ائدن اوي داشلاريميزي توپلاييب ميللي حركتيميزه گوج قاتماقلا ميللي گؤره ويمز اوغروندا باشاريلي آدديملار گؤتوره بيله جگيميزين اينانجينداييق.

يانار – افشار 4/1/1384

---